VOV4.K’ho- Lam lơh rơndap broă Tam dùl tơmàn tờm chi tơlir tơngai bơh nam 2021 tus nam 2025 bơh Cíñ phủ dê, drim ngai 25/3, tàm ƀlàng tơp ƀồc cau ling chơt màng kơnhoàl Tu Mrông, Kụk atbồ drà kă bro càr Kon Tum pơgồp bal mờ Ủy ƀan Ñân zân kơnhoàl Tu Mrông bơyai lơh lam lơh sa tềp tam chi mờ tơngume “Mờ brê geh gơ gơs tơlir”.

Tơnơ̆ dơ̆ lam lơh, ală kwang bàng neh tam git nđờ rhiang tờm bơkàu mai añ đào tàm dơlam mờ bơdìh ƀlàng tơp ƀồc cau ling chơt màng nàng lơh gơlik ù tiah chi che niam. Bơdìh hơ̆ tai, Ủy ƀan Ñân zân kơnhoàl Tu Mrông kung lam lơh broă tam chi tàm ală xã: Đăk Hà, Ngọc Lây mờ tiah tềl kah yau kac màng pôs đồng Tỉñ ủy Kon Tum tàm xã Măng Ri. Mìng is Mpồl atbồ drà kă bro sồ 2 mờ Kụk atbồ drà kă bro càr Kon Tum dong kờl kơnhoàl 4 rbô 800 tờm chi sơntìl, geh: nho, sơn tra, bơkàu añ đào, phượng tím mờ tờm plai mil tây.

Cau mblàng K’Duẩn