VOV4.K’ho- Drim ngai 05/06, tàm thị trấn Đăk Tô, kơnhoàl Đăk Tô, Ủy ƀan Ñân zân càr Kon Tum bơyai lơh Dơ̆ lam lơh Sa tềp tam chi sùm sùm kah ưn ngài Bác Hồ nam 2022 mờ lơh jat Ngai tiah ơm kis dunia ngai 05/06.

Dơ̆ lam lơh Sa tềp tam tờm chi sùm sùm kah ưn ngài Bác Hồ nam 2022 mờ lơh jat Ngai tiah ơm kis dunia 05/06

Tơnơ̆ dơ̆ Lam lơh, kwang đơng lam bồ càr Kon Tum, kwang bàng ală gah, sơnah lơh broă, mpồl cau mờ gal ngan làng bol kơnhoàl Đăk Tô neh lòt tam gĭt nđờ rơhiang tờm chi tàm ƀlàng dờng 24/4 mờ bàr pe tiah tàm ù tiah thị trấn Đăk Tô dê. Di dơ̆ do, Sở Nông nghiệp mờ Phát triển Nông thôn càr Kon Tum bơyai lơh pà rlau 157 rơbô 700 tờm chi brê bơnơm, tàm hơ̆ geh ală bơta bè: Sao đen, sưa, giáng hương, nho 3 nha... ai ală mpồl lơh broă, ală tiah tàm càr in tam nàng lơh gơlik geh bơta niam tiah ơm kis in. Tàm kàl mìu nam do, càr Kon Tum ai tơlik jơnau kờñ tam pa 4 rơbô 500 lồ brê mờ neh tam pà bă ù brê ngan ngồn tus tơl gah, tơl tiah in.

Cau mblàng K’Hạnh