VOV4.K’ho- Drim ngai 28/09, bulah ờ gơrềng kơn jơ̆ bè jơnau kờp dŭ lài bơh chờm, mơya tàm càr Kon Tum mìu càl rbŭt dờng sồ 4 kung neh gơbàn ngơr bam dà tàm uă bă tiah tam phan lơyah ngai, lơh tơrlah gĭt nđờ rơhiang tiah dờng, dềt tàm ală gơl gùng lòt rê.

Dùl tiah tơrlah tàm gơl gùng dờng 40B gơl lòt gan kơnhoàl Tu Mơ Rông

Gơnoar atbồ ală kấp tŭ do gam lam lơh bơsong bơta hoàc huơr mờ tơnguh uă bơta rcang sền ngăc mờ bañ sền ờ sơ̆p mờ tơnơ̆ dơ̆ mìu càl rơbŭt dờng sồ 4.

Dà tàm ală dà dờng, dà croh tàm kơnhoàl Đăk Tô gơguh tih lơh ngơr bam uă phan tam lơyah ngai

Bal mờ sơlơ ai mpồl cau bơsong gàr niam bơta lơngap lơngai gùng lòt, gơnoar atbồ ală kấp càr Kon Tum, ngan là tàm ală kơnhoàl: Tu Mơ Rông, Kon Plông, Đăk Glei… gam lơh ngan nàng dong kờl làng bol bơsong bàr pe bơta hoàc huơr bè hìu đam, phan tam lơyah ngai dong làng bol sơr băc mhar bè ờs wơl rài kis. Mơkung pơn jat tai gàr sùm mpồl cau lơh broă bañ sền ờsơ̆p mờ ờ rcang sền ngăc mờ tơnơ̆ dơ̆ mìu càl rơbŭ dờng sồ 4.

VOV.vn- Cau mblàng K’Hạnh