VOV4.K’ho- Tơnơ̆ mìu càl rơbŭt dờng sồ 4, tàm kơnhoàl Tu Mơ Rông, càr Kon Tum pơn jat tai dà tih bơh tiah bồ tô dà dê hòr lơh tam cah is tàm 3 xã bơh kơnhoàl Tu Mơ Rông, tàm hơ̆ geh ală xã: Măng Ri, Đăk Na mờ Đăk Sao. Pe xã do tŭ do kờp jơh geh khà kờp làng bol pơgap rlau 8 rơbô nă cau. Bơdìh hơ̆ tai, tàm xã Tê Xăng, tài bơh tơrlah ta luy dương, ù lŭ gơ bồr mat gùng den 147 hìu bơnhă làng bol tàm thôn Tu Thó gơtìp tam cah is.

Bơsong bơta tam cah is tàm kơnhoàl Tu Mơ Rông

Ồng Võ Trung Mạnh, Củ tịc Ủy ƀan Ñân zân kơnhoàl Tu Mơ Rông pà gĭt, gơnoar atbồ tiah do neh tơrgùm ală mpồl cau mhar bơsong. Ngan ngồn, gơwèt mờ gơl gùng Măng Ri, Ủy ƀan Ñân zân kơnhoàl neh sồr ling griăp ƀòn, kwang àng, ơruh pơnu tus dong kờl làng bol tùng rơndeh, chồl rơndeh lòt gan brong dà gơtìp dà cò pơr dô. Tŭ do mìng gam thôn Tu Thó, xã Tê Xăng gơtìp dà wềl jơh lơm. Mpồl lơh broă geh gơnoar gam mhar bơsong gờñ ngan rlau jơh.

VOV Tây Nguyên- Cau mblàng K’Hạnh