VOV4.K’ho- Tàm kơnhoàl Tu Mơ Rông, càr Kon Tum, mìu dờng jŏ jòng tàm ală ngai do neh lơh tơrlah, lơh ờdiơng jơh bàr pe gơl gùng. Tŭ do, gơnoar ătbồ kơnhoàl gam mhar bơsong jơnau hoàc hươr nàng gàr niam broă lòt rê mờ bè ờs wơl rài kis làng bol dê.

Sơntăp kƀàng yal tơngkah lài tàm dùl anih tơrlah gùng

Tềng đăp măt nàng gàr niam broă lòt rê bơh làng bol dê, tàm ală anih tơrlah uă tàm gơl gùng lòt tus 4 xã gơ ơm tàm tiah đah mat tơngai mŭt bơh kơnhoàl Tu Mơ Rông dê, gah lơh broă geh gơnoar bơh kơnhoàl dê pơgồp bơnah mờ Ủy ƀan Ñân zân ală xã neh tus sơntăp kƀàng yal tơngkah lài tàm ală tiah sơbơng roh; ai mpồl cau cau tus drơng bơto pơlam cau mờ rơndeh rơndồ in lòt rê tàm anih tơrlah ù dùl bă ờdo ờdă.

Dùl anih tơrlah uă ngan tàm gùng lòt tus 4 xã tiah đah mat tơngai mŭt kơnhoàl Tu Mơ Rông dê

Gơwèt mờ ală anih ờdiơng dềt tàm ală gơl gùng lòt tus ală thôn, ală xã, kơnhoàl Tu Mơ Rông ai rơndeh rơndồ, cau lơh broă tàm tiah do nàng bơ̆t lơh niam wơl ờ lời gơrềng tus broă lòt rê lơh broă lơh sa bơh làng bol dê.

   Cau mblàng Lơ Mu K’Yến