VOV4.K’ho - Gam ờ tơl 1 nhai tai là geh bơyai lơh pơrlòng jơh bơsram kấp 3, tàm càr Kon Tum tàm tơngai jal mhar do, ală hìu bơsram gam tơnguh broă bơto wơl jơnau bơsram mờ rơcang bồ tơngoh bal mờ bơta pràn kơl dang să jan nàng dong kờl ală kơnòm bơsram in pin dờn lơh jơnau pơrlòng niam.

Dơ̆ pơrlòng jơh bơsram kấp 3 nam do càr Kon Tum geh rơlao 4 rơbô 700 nă kơnòm bơsram dan cih măt tus pơrlòng. Nàng sền di bota pràn bơh tơl nă kơnòm bơsram, Sở Giáo dục mờ Đào tạo càr Kon Tum đơng lam ală hìu bơsram bơyai lơh ai jơh ală kơnòm bơsram ơdŭ 12 pơrlòng tơrlòng nàng mblàng, sền wơl nàng di tŭ bơtơl, lơh niam wơl tơngu me jơnau bơsram wơl tus tơl môn nàng dong kờl kơnòm bơsram ƀuơn wă jơnau bơsram mờ git wă kơl jăp jơnau bơsram. Sở Giáo dục mờ Đào tạo càr Kon Tum kờp dŭ geh crơng gơs 12 anih pơrlòng, mờ 203 jơdŭ pơrlòng, 41 jơdŭ kơ̆p mờ rơcang lài. Nàng dơ̆ pơrlòng geh bơyai lơh ờ do ờ dă, nền nòn, di mờ kơrnoăt neh geh ai, Mpồl đơng lam dơ̆ pơrlòng jơh bơsram kấp 3 nam 2022 càr Kon Tum kung neh ai geh gùng dà broă lơh nàng gàr niam ờ do ờ dă ai kơnòm bơsram tàm tiah ngài in tàm broă lòt rê mờ anih ơm, sào sa. Ai ală anih pơrlòng di pal mờ bơta geh mùl màl mờ ƀuơn ală kơnòm bơsram in.

Cau mblàng Ndong Brawl