Xã Đăk Nhoong, kơnhoàl Đăk Glei, càr Kon Tum geh gùng nhàr dà lơgar jòng rlau 35 kơi sồ rềp mờ kơnhoàl Đăk Chưng, càr Sê Kông, lơgar Lào. Mờ nùs nhơm “Tơl nă làng bol là dùl nơm jrong kis”, nam lài, Pôs ling sền gàr tiah nhàr dà lơgar Đăk Nhoong pơgồp bal jơh nùs mờ gơnoar atbồ xã Đăk Nhoong lơh jat niam Jơnau sồr sồ 01 bơh Thủ tướng Cíñ phủ dê bè lam lơh srơh jơh gùt làng bol tus bal sền gàr gơnoar tờm ù tiah, lơngăp lơngai tiah nhàr dà lơgar tàm bơta pa.

Đại tá Phạm Cảnh Toàn, Phó Cíñ ủy Mpồl ling sền gàr tiah nhàr dà lơgar càr Kon Tum pà git, Đăk Nhoong là xã sơn rờp tàm kờp jơh 13 xã tiah nhàr dà lơgar bơh càr Kon Tum dê bơyai lơh ngai chờ. Do là broă lơh geh kuơ cíñ trị, niam chài uă ngan, là tŭ nàng kwang bàng, cau ling sền gàr tiah nhàr dà lơgar in kah ưn ngài tus kâp ủy, gơnoar atbồ mờ làng bol tàm ƀòn lơgar.