Kờp tus ngai 06/03, dà bơh 172 tơnau dơng dà, bơtơ̆t kơryan dà tih tàm ù tiah càr Kon Tum dê kung gam pơgap bơh 50 tus 70% khà dà. Tàm 20 nơm tơnau dơng dà bơh càr dê, bè: Đăk Uy, Đăk Yên, Đăk Rơn Ga… dà kung gam lìu tih jat mpồng yuh dà. Jat jơnau kờp, dà bơh ală bơtơ̆t rbòng dà rơ̆p tơl ai dơ̆ tam phan kàl mrềt prang in. Mơya, càr Kon Tum ờ gŏ di sền ờ sơ̆p, gam lơh jat uă broă lơh nàng gàr tơl dà tuh ai phan tam in tàm ală nhai lồi kàl prang.

Kàl mrềt prang nam do jơh gùt càr Kon Tum sih tam mờr 7 rơbô lồ kòi, mờr 5 rơbô lồ tơngời mờ rlau 1 rơbô lồ phan tam lơyah ngai ală bơta. Bal mờ gàr tơl dà tuh ai bă tiah tam phan do in, gah lơh sa suơn sre càr Kon Tum kung pal gàr tơl dà tuh ai gĭt nđờ jơ̆t rơbô lồ phan tam jŏ ngan mờ tờm chi sa plai.