Càr Kon Tum neh lơh nền tơngume broă rơndăp lơh tàm tơngai nam bơsram pa 2024-2025 gơwèt mờ gah bơto bơtê mầm mòn, bơto bơtê pe kấp mờ bơto bơtê sùm. Dùl tàm ală jơnau sồr lơh bơh càr dê tàm broă lơh rcang ai nam bơsram pa in là ờ gŏ di lời gơlik geh bơta khat bè sồr tong priă mờ lơh kal ke ai mè bèp kơnòm bơsram in tàm bồ nam bơsram pa. Nam bơsram pa 2024-2025, càr Kon Tum geh mờr 350 nơm hìu bơsram mầm non, hìu bơsram pe kấp mờ kờp jơh rlau 160 rơbô nă kơnòm dềt mờ kơnòm bơsram. Nam bơsram do gah bơto bơtê mờ bơsram càr dê pơn đơl pràn lơh ngan hòi jà jơh ală kơnòm dềt tàm sơnam bơsram kấp dùl lòt bơsram; hòi jà jơh ală kơnòm bơsram neh jơh bơsram kấp 1 pơn jat tai mut bơsram ơdŭ 6, 100% kơnòm bơsram kấp 1 geh bơsram 2 dơ̆ dồ ngai.

Mut tàm nam bơsram pa, Mpồl duh broă làng bol càr Kon Tum neh geh Jơnau lơh nền tàm pơrjum ai khà priă bơsram bơto bơtê mầm non, bơto bơtê pe kấp dà lơgar nam bơsram 2024-2025. Jat hơ̆ khà priă bơsram tàm càr geh tàm pà gơs tiah I, tiah II, mờ tiah III. Priă bơsram dồ ết ngan rlau jơh geh lời ai hìu bơsram kấp 2 tàm tiah III in mờ 19 rơbô đông dùl nă kơnòm bơsram dùl nhai, jơnhoa ngan rlau jơh là kấp bơsram mầm non mờ hìu bơsram kầp pe tàm tiah I mờ 52 rơbô đông dùl nă kơnòm bơsram dùl nhai.