VOV4.K’ho- Broă ơm ing lơh broă ală anih yal mờ cau lơh sơnơm in rơcăng sơndră kòp Kovid-19 tàm ală gơl gùng rơndeh dờng mờ gùng rơndeh càr bơh càr Kon Tum dê geh lơh jăt sơnđờm bơh 12 jiơ mang ngai 12/01/2022. Jăt mờ hơ̆ geh 6 anih yal mờ cau lơh sơnơm in bơh càr Kon Tum dê tàm ală gơl gùng ơm lơh broă do.

Gùng mŭt tàm Anih yal mờ cau lơh sơnơm in sồ 01- Sao Mai

Tàm sră pơyua ală sở, ƀan, ngàñ, gah sơnah lơh broă gơwèt càr in; Ủy ƀan Ñân zân ală kơnhoàl, ƀòn dờng sồr ơm ing lơh broă ală anih yal mờ cau lơh sơnơm in rơcăng sơndră kòp Kovid-19 tàm ngai 11/01, Ủy ƀan Ñân zân càr Kon Tum jàu Củ tịc Ủy ƀan Ñân zân ală kơnhoàl, ƀòn dờng in sồr ai wơl phan bơna, măy mok, phan ngui, phan lơh sơnơm, khòm tơrgùm pơs wàs jùt ràu sàng goh, ƀồm sơnơm lơh kloh khuẩn lài mờ tŭ lik bơh Anih yal mờ cau lơh sơnơm in. Kon Tum là càr dŭt ndơl tàm tiah Tây Nguyên ai ơm ing lơh broă ală anih yal mờ cau lơh sơnơm in rơcăng sơndră kòp Kovid-19 tàm ală gơl gùng rơndeh dờng mờ gùng càr.

Cau mblàng Lơ Mu K’Yến