VOV4.K’ho-  Tàm 2 ngai do, broă ồng Chu Ngọc Anh, Củ tịc Ủy ƀan Ñân zân ƀòn dờng Hà Nội lài do mờ ồng Nguyễn Thanh Long- Ƀộ trưởng Bộ Y tế lài do gơtìp tơlik bơdìh Đảng, tơn jơh gơnoar broă; gơtìp yă, kŭp jàm là jơnau yal geh kwang bàng, đảng viên mờ làng bol càr Kon Tum sền gròi ngan. Ồng Trương Duy Cảnh, 69 sơnam mờ 40 sơnam Đảng ơm tàm hìu sồ 104 gùng Phạm Văn Đồng, sơnah ƀòn Lê Lợi, ƀòn dờng Kon Tum đơs, broă rcang sơndră sa kuề sa kuà là kơnòl broă, broă lơh sùm, sùm sùm bơh Đảng dê. Mơya ờ hềt tŭ lơi ồng gŏ broă do geh lơh jat dùl broă kràñ cê jơh nùs, sơr băc mhar mờ niam bè tŭ do. Bơh broă bơh ồng Chu Ngọc Anh mờ ồng Nguyễn Thanh Long, ồng sơlơ geh tai bơta pin dờn tàm dơ̆ tam dră rcang sơndră sa kuề sa kuà bơh Đảng mờ să tờm Tổng Ƀí thư ồng Nguyễn Phú Trọng dê.

Ồng Trương Duy Cảnh

Ồng Trương Duy Cảnh đơs: Añ pin dờn ngan gơwèt mờ Đảng he lơh jat kràñ cê jơh nùs ngan mờ ală cau sơmờm kơnòl broă, gơnap gơnoar sa kơñau bơh làng bol dê, sa kơñau bơh dà lơgar dê, ờ niam nùs nhơm. Pa do, Ƀộ trưởng Ƀộ Y tế ồng Nguyễn Thanh Long mờ ồng Chu Ngọc Anh, geh gơnoar broă hơ̆, mơya ờ di tài bơh gơnoar broă mờ he kờñ lơh bè lơi den he lơh ờ. Añ kơ̆p kờñ là bol he sơm bat tê bal bơt bơtàu mờ sơm bat tê bal tam dră nàng dră wơl ală bơta sa kuề sa kuà, dră wơl mờ bơta ờ niam nùs nhơm gơwèt mờ kwang bàng, Đảng viên.

Cau mblàng K’Hạnh