VOV4.K’ho- Tàm mpồl ală broă lơh nàng brồ guh, tơnguh bơtàu nhơl chờ mờ wèt tus tơnkah 47 nam ngai tơnklàs đah jum dà lơgar tơrgùm bal, UɃÑZ kơnhoàl Tu Mơ Rông, càr Kon Tum bơyai lơh pơrjum cri bơyai kơnuh sơnơm Ngọc Linh, bơh ală phan geh tờm pơgồp bal mờ nhơl chờ.

                                Kĭ hơ bal tơnguh bơtàu  phan lơh sơnơm tàm pơrjum cri bơyai

Là tiah tờm tam phan lơh sơnơm càr Kon Tu m dê, kơnhoàl Tu Mơ Rông tŭ do geh 1 rơbô 200 lồ ù tam tờm kơnuh sơnơm Ngọc Linh bơh bơh mpồl lơh sa kă bro mờ làng bol. Tàm pơrjum cri bơyai kơnuh sơnơm Ngọc Linh, ală bơta phan geh tờm pơgồp bal mờ nhơl chờ, ală cau jăk chài, cau atbồ tờm ngan neh pơgồp bal uă jơnau đơs jơh nùs nàng dong kờl kơnhoàl Tu Mơ Rông bơsong kal ke tàm broă hòi jà priă bơcri; broă sền gàr tơnguh bơtàu brê; tơnguh bơta pràn phan lơh sơnơm, pờ ơnàng bă ù tam, tơnguh uă bơta niam; tơnguh bơtàu lơh sa mờ măi mŏk lơh; Pờ ơnàng drà kă bro; lơh gơs phan nhơl chờ kwơ màng krơ is geh pơgồp bal mờ tờm kơnuh sơnơm Ngọc Linh dê.

Cau mblàng Ndong Brawl