Kon Tum pơrlòng bơta chài rcang lài kơryan dà bŭ ai kơnòm dềt in
Thứ năm, 08:07, 08/08/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Nàng tơrmù ƀà rềs àr dà bŭ tàm kơnòm dềt, tàm 2 ngai do (ngai 6 mờ ngai 7 nhai 08) tàm ƀòn dờng Kon Tum, Sở Niam chài, Tàp pràn să jan mờ Lòt nhơl càr Kon Tum bơyai lơh dơ̆ pơrlòng bơta gĭt wă, bơta chài rcang lài kơryan dà bŭ ai kơnòm dềt nam 2024.
Pơrlòng bơta gĭt wă, bơta chài rcang lài kơryan dà bŭ ai kơnòm dềt càr Kon Tum in nam 2024 geh bơta tus bal bơh 6 mpồl mờ rlau 180 nă cau pơrlòng. Jơh ală cau pơrlòng ndrờm tàm sơnam ơruh pơnu, kơnòm pa tàu mờ kơnòm dềt bơsram tàp re dà tàm ală hìu bơsram, Anih tờm broă lơh ơruh pơnu, kơnòm pa tàu mờ kơnòm dềt mờ Mpồl re dà tàm ù tiah càr dê.
Tàm 2 ngai tus bal pơrlòng, ală cau pơrlòng neh tàm pơrlòng tàm tơngume bơta chài pơr đồng mờ nùs nhơm cau tàm mpồl bal; bơta chài mù tàm dà dong cau dà bŭ; bơta chài dong cau dà bŭ bơh hơđang; bơta chài pơr đồng jak ngan; bơta chài soh ào pơr đồng di mờ pơrlòng jòi gĭt bơta gĭt wă re dà lơngăp lơngai rơngô tiang liang biàng.
Viết bình luận