Tài gơrềng bơh mìu nhàc tàm dà lềng đah mat tơngai lik, bơh drim ngai 25/09 tàm ù tiah càr Kon Tum neh geh mìu. Rcang sơndră mờ mìu nhàc kờp dŭ lài rơ̆p gơrềng lơh gơbàn mìu dờng tàm ală ngai tus, gơnoar atbồ ală kấp càr Kon Tum rcang lam lơh ală broă lơh rcang sơndră mìu dờng dà tih mờ tơrlah ù. Tàm ală kơnhoàl digơlan gơtìp gơrềng tơn tài bơh mìu nhàc, tàm hơ̆ geh: Kon Plông, Tu Mơ Rông mờ Đăk Glei, Ủy ƀan Ñân zân càr Kon Tum sồr gơnoar atbồ ală tiah mhar lam lơh broă lơh rcang sơndră mìu dờng dà tih mờ tơrlah ù.

Gơwèt mờ ală tiah làng bol ơm kis jăt kềng gah dà dờng, dà croh, tiah lyah thòng, geh bơta pơhìn uă gơlik geh ngơr bam dà, dà tih, dà kŏ dà cò, tơrlah ù rcang lài gùng dà broă lơh rcang sơndră rcang lài ntrờn làng bol tŭ geh ală bơta gơlik geh. Rcang lài mpồl sền gròi, pơlam gùng lòt tàm ală tiah rbòng dà ngơr, tiah ngơr jrô tàm dà, dà ñhăng. Ai mpồl cau, rơndeh rơndồ măi mok nàng bơsong bơta rềs àr, gàr niam gùng lòt rê tàm ală gơl gùng lòt tờm tŭ gơlik geh mìu dờng.