VOV4.K’ho- Rơcăng lài mờ jơnau digơlan geh mìu dờng tài bơh gơrềng bơh mìu càl rbŭt dờng sồ 5, gah lơh broă geh gơnoar càr Kon Tum dê gam pơn jăt tai kờp sền, lam lơh jăt ală gùng dà broă lơh nàng sền gàr niam kơ̆ kơl jăp gơwèt mờ ală broă lơh tơnau dơng dà. Jơh gùt càr Kon Tum tŭ do geh 85 nơm tơnau dơng dà mờ dà pơdơng jăt broă rơndăp lơh là pơgăp 93 tơlak khối dà.

Dà dờng, dà croh tàm kơnhoàl Đăk Tô, càr Kon Tum gơguh tih dờng ngan tàm dơ̆ mìu càl rbŭt dờng sồ 4- Noru

Geh jàu ătbồ, ngui 79 nơm tơnau dơng dà dờng bơh càr dê, ồng Nguyễn Văn Dẫn, Phó Kwang ătbồ Mpồl ătbồ- ngui ală broă lơh tơnau dơng dà càr Kon Tum pà gĭt, bơh ngai 13/10, mpồl neh lam lơh gùng dà broă lơh tam dră wơl mờ trồ tiah lơh aniai. Tàm ală bơtơ̆t, tơnau dơng dà, mpồl geh sùm mpồl cau drơng sền tàm ală bơtơ̆t, tơnau dơng dà, tàm anih lơh broă Trạm ătbồ dà lơh broă sa 10 kơnhoàl, ƀòn dờng mờ cơldŭ lơh broă Mpồl ătbồ dê. Bañ sền ờ sơ̆p, ờ rơcăng ngăc, tŭ do broă lơh rơcăng tam dră wơl mờ jơnau digơlan geh mìu dà tih dờng tài gơrềng bơh mìu càl rbŭt dờng sồ 5 gam pơn jăt tai geh Mpồl ătbồ- ngui ală broă lơh tơnau dơng dà càr Kon Tum lơh sùm, lơh jăt niam mờ drơng sền sùm ngai kung bè mang.

Cau cih VOV Tây Nguyên- Cau mblàng Lơ Mu K’Yến