Bơh nhai 02 nam 2024, ală hìu bơsram Kâp Pe Jơi bơtiàn Ơm sa tơn tàm hìu bơsram tàm càr dê neh sồr mpồl lơh broă ờs mờng kờp sền wơl, tơn jơh broă bơto bơsram tờm mờ sền swì wơl pràn jak bơsram lơh geh Dơ̆ pơrlòng jơh bơsram kâp pe tàm jơh ală môn mờ kơnòm bơsram lơh sră cih măt dan pơrlòng. Tơnơ̆ tŭ ai kơnòm bơsram in lơh sră cih măt jơnau pơrlòng tơrgùm bal mờ lơh sră cih mat bơta kơp kờñ sền swì săc rwah mŭt tàm hìu bơsram đại họk tàm bồ nhai 03 pa do, sơnđờm bơh ngai 01/04, ală hìu bơsram bơyai lơh ai ală oh in bơsram wơl jơnau neh bơsram nàng rơcăng ai dơ̆ pơrlòng in tus jơh ngai 22/06. Hìu bơsram Kâp Pe Jơi bơtiàn ơm sa tơn tàm hìu bơsram càr Kon Tum nam do geh 178 nă kơnòm bơsram tus bal Dơ̆ pơrlòng jơh bơsram kâp pe.

Jơh ală mè bèp kơnòm bơsram dê ndrờm ring bal mờ broă lời oh kòn in pơn jăt tam ơm tàm hìu bơsram nàng bơsram wơl jơnau neh bơsram rơcăng ai dơ̆ pơrlòng in mờ hìu bơsram neh lam bơto wơl jơnau bơsram wil tơl. Gơnoar ătbồ tiah do kung neh geh broă dong kờl dipal, ngan là gơ wèt mờ ală oh geh rài kis hìu bơnhă kal ke, dong ală oh iang nùs tàm ală tŭ bơsram wơl mờ ală ngai lòt Pơrlòng jơh bơsram kâp pe tàm lồi nhai 06 tus.