VOV4.K’ho- Jơnau yal bơh Ủy ƀan Ñân zân kơnhoàl Kon Plông, càr Kon Tum dê ai gŏ, bulah ờ hềt git gŏ khat dùl hoàc huơr lơi, mơya ală dơ̆ tơrluh ù, rơnggô ù gơlik geh tàm tơngai pa do tàm kơnhoàl neh lơh làng bol rơngòt mờ kơlôi rơcang ngan. Bal mờ jơnau dan kâp hơđang, ală cau jak chài mhar đal git jơnau bơh tài gơlik geh, gơnoar atbồ kơnhoàl kung neh rơcang lài bơt bơtàu rơndap broă, sơlơ jat sền, mblàng yal nàng làng bol in git jơnau yal, bơh hơ̆ rơcang lài rlau tàm broă rơcang sơndră mờ tơrluh ù, rơnggô ù.

Dùl gah tơnau dơng dà Thượng Kon Tum

Gơ rềng tus bơta tơrluh ù, rơnggô ù gơlik geh tàm kơnhoàl Kon Plông, pa do, Ủy ƀan Ñân zân càr Kon Tum neh sồr Kông ty Kổ phần hìu măi pờ tơlik ồs đèng Vĩnh Sơn- Sông Hinh mờ Kông ty Kổ phần hìu măi pờ tơlik ồs đèng Đăk Đrinh kờp sền wơl bơta ờdo ờdă tơnau dơng dà gơ wèt gơnoar atbồ he dê; rơcang lài cau lơh broă, phan bơna, măi mok nàng bơsong di tŭ tŭ geh broă lơi gơlik geh, gàr niam dong kờl mơ tơn bơh sơn đờm git gŏ bơta ờ niam, ngan là bơta ờ niam lơh aniai tus ờdo ờdă tơnau dơng dà, bơtơt dơng dà dê.

Cau mblàng K’Duẩn