Tềng đap ală bơta mus kơl, mpồn dơm chi tìs mờ adat boh lam, ồs sa brê gơlik geh sùm bơh bồ nhai 3 tus tŭ do, Ủy ƀan Ñân zân càr Kon Tum ngai 17/03 neh sồr ală gah, ală tiah sơlơ tơnguh lơh broă atbồ, sền gàr brê mờ rcang sơndră ồs sa brê.

Jat hơ̆, Ủy ƀan Ñân zân càr Kon Tum sồr Sở Nông nghiệp mờ Phát triển Nông thôn lơh ală Mpồl lơh broă ngan ngồn lòt sền broă lơh atbồ, sền gàr brê, rcang sơdră ồs sa brê tàm ală tiah, ngan là gơwèt mờ ală ù tiah tờm, ală tiah ƀuơn gơbàn ồs sa brê, bơto pơlam ală mpồl lơh broă, ală tiah lam lơh jat niam broă lơh atbồ, sền gàr brê mờ rcang sơndră ồs sa mờ crùh ồs sa brê. Gơwèt mờ Củ tịc Ủy ƀan Ñân zân ală kơnhoàl, ƀòn dờng, ală mpồl sền gàr brê mờ ală sở, ƀan, ngàñ geh gơrềng bơyai lơh niam broă lơh atbồ, sền gàr brê, rcang sơndră ồs sa mờ crùh ồs sa brê; ai mpồl ơm lơh broă sùm nàng rcang sơndră ồs sa brê jat di jơnau sồr; sơlơ tơnguh lòt sền, sền gròi tàm ală bă brê geh pơhìn ồs sa uă, di tŭ sền gŏ mờ bơsong tơn bơh tŭ pa ồs sa...