VOV4.K’ho- Tềng đăp bơta gơbàn bơh drà ù tiah hìu đam dê tàm tơngai rềp ndo, nàng gàr niam ờdo ờdă tàm broă lơh ai càn priă, Ngân hàng Dà lơgar càr Kon Tum neh sồr ală mpồl ai càn priă tàm càr kơrhia tàm broă ai càn priă gơwèt mờ gah broă ù tiah hìu đam.

Jăt mờ hơ̆, Ngân hàng Dà lơgar càr Kon Tum sồr ală mpồl ai càn priă tàm càr tơrgùm gròi sền kràñ broă ai càn priă mờ cồng nha ai càn priă gơwèt mờ gah broă lơh ù tiah hìu đam, ngan là ală jơnau kờñ bè càn priă blơi uă ù tiah hìu đam; Kơrhia tàm broă sền swì lơh nền ai càn priă gơwèt mờ ală bơnah priă càn ù tiah hìu đam tàm ù tiah gơlik geh jơnau gơguh giă ù uă ngan, ală rơndăp broă lơh pơhìn gơbàn aniai uă...Sồr ală mpồl ai càn priă kơlôi sơnơng nền tàm ală tŭ lùp sền nền, lơh nền giă jơtài pơgơl gơwèt mờ ală jơtài là gơnoar ngui ù, jơtài gơ jăt bal mờ ù.

Cau mblàng Lơ Mu K’Yến