Kon Tum: tìp mat 155 nă cau geh bồ tơngoh gĭt wă, văn nghệ sỹ, cau lơh ƀăo pơn rơ jak nam 2024
Thứ bảy, 10:04, 03/02/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Mho ngai 02/02, tàm ƀòn dờng Kon Tum, Mpồl lơh kơnòl broă sùm Tỉñ ủy càr Kon Tum bơyai lơh tìp mat 155 nă cau geh bồ tơngoh gĭt wă, văn nghệ sỹ, cau lơh ƀăo pơn rơ jak bồ nam pa Giáp Thìn 2024.
Đơs tàm dơ̆ tìp mat, ồng A Pớt, Phó Ƀí thư Lơh broă sùm Tỉñ ủy càr Kon Tum đơs nền bơta tă pơgồp kwơ màng bơh mpồl cau geh bồ tơngoh gĭt wă, văn nghệ sỹ, cau lơh ƀăo dê tàm broă gơguh lơh sa bơh càr dê nam 2023 lơh geh 7,32%.
Sền gĭt nam 2024 là năm gơ jal ngan lơh jat Nghị quyết Pơrjum dờng Đảng ƀộ ală kấp mờ broă rơndăp lơh bơtàu tơnguh lơh sa- mpồl bơtiàn tơngai bơh nam 2021-2025, Phó Ƀí thư Lơh broă sùm Tỉñ ủy càr Kon Tum A Pớt kơ̆p kờñ mpồl cau geh bồ tơngoh gĭt wă, văn nghệ sỹ, cau lơh ƀăo pơn jat tai lơh jat niam cồng nha neh lơh geh, pơnđơl pràn lơh ngan bal mờ Đảng ƀộ, gơnoar atbồ mờ làng bol ală jơi bơtiàn tàm càr bơt bơtàu càr Kon Tum ngai sơlơ pas pràn, kơ̆ kơl jăp mờ bơtàu tơnguh.
Viết bình luận