VOV4.K’ho- Ủy ƀan Ñân zân càr Kon Tum neh geh Kơrnuat lam lơh broă lơh glài tơn jơh at gơnoar broă Củ tịc Ủy ƀan Ñân zân kơnhoàl Kon Plông, tơngai lơh broă bơh nam 2021 tus nam 2026 gơwèt mờ ồng Đặng Thanh Nam.

Ồng Đặng Thanh Nam tus bal dùl dơ̆ pơrjum tàm ngai Ƀan Thường vụ Tỉñ ủy Kon Tum pơrjum sền sơ wì lơh glài gơwèt mờ ồng

Ngai 21/9/2022, Hội đồng Ñân zân kơnhoàl Kon Plông kung neh geh Nghị quyết tơn jơh tơngai lơh kwang bàng Hội đồng Ñân zân kơnhoàl Kon Plông khoă 15, tơngai lơh broă bơh nam 2021 tus nam 2026 gơ wèt mờ ồng Đặng Thanh Nam tài lơh tìs kơn jơ̆ ngan ală jơnau sồr bơh Đảng, jơnau cih bơh adat boh lam dà lơgar dê, ờ gàr niam ală tơl khà bơh kwang bàng Hội đồng Ñân zân dê. Geh git, ồng Đặng Thanh Nam, Phó Ƀí thư Huyện ủy, Củ tịc Ủy ƀan Ñân zân kơnhoàl Kon Plông gơtìp tơn jơh ală gơnoar broă tàm Đảng mờ gơnoar atbồ gơ rềng tus ală broă lơh tìs tàm gah atbồ ù tiah mờ bơcri priă bơt bơtàu.

Cau mblàng K’Duẩn