Jơnau đơs tàm dơ̆ tơngkah đơs nền: “Nùs nhơm tam lơh, phi să bơh ală cau ling Trung Đoàn 209 dê tàm Chư Tan Kra tàm nhai 3 nam 1968 sùm là rùp pơn rơ gơ crà àng bơh nùs nhơm kờñ gơboh dà lơgar, bơh bồ tơngoh khin cha jak chài, nùs nhơm pơn đơl pràn kră kơldang, pơn đơl tam lơh, lơh gơs pha lin. Nùs nhơm hơ̆ geh tề lam, sòl gùng bơh bơta đơng lam bồ jak chài, gùng dà di ngan bơh Đảng he mờ Củ tịc Hồ Chí Minh dê nàng bol he geh dùl dà lơgar ring lơngai, lơngăp lơngai is, khat gơboh mờ rài kis hờm ram, chờ hờp bè tŭ do”.

Kah ưn ngài dà kơl hề ală cau ling bơh càr lơgar Hà Nội dê neh tam lơh, phi să tàm tiah tam lơh đah tô càr Kon Tum, nam 2011 Gah đơng lam ling klàng Quân khu càr lơgar, Mpồl tàm yal jơnau Trung đoàn 209 neh sơn đờm lơh Tiah kah kơlôi Chư Tan Kra. Ủy ƀan Ñân zân càr Kon Tum neh sap sèng Anih jơnhua 955- Chư Tan kra là Tiah tềl kah yau kâp càr.