Nam 2022 khà gơguh kờp jơh phan lơh gơs bơh càr Kon Tum dê geh 9,5% pơndrờm mờ nam 2021. Kờp jơh phan lơh gơs kờp bal dùl nă cau gơguh bơh mờr 47 tơlak đông gơguh rlau 52 tơlak đông. Tă dia kờp dŭ geh 4 rbô tơmàn đông, geh 100% khà kờp dŭ geh jàu. Tàm nam, Kon Tum gơ hòi gơ jà 19 rơndap broă lơh bơcri priă mờ kờp jơh priă bơcri cih tàm sră mờr 1 rbô 600 tơmàn đông.

Bơdìh mờ ală cồng nha lơh geh, geh 4 broă geh jàu kuơmàng mờ càr Kon Tum lơh ờ gơtùi jat broă rơndap lơh ai tơlik, geh: Khà gơguh kờp jơh phan lơh gơs ờ lơh geh jàu broă geh jàu tàm Nghị quyết gơguh bơh 10% rlau hơ đang; tă dơ̆ ngui kes priă càr; ai priă bơcri dà lơgar mờ Bơt bơtàu ƀòn lơgar pa kung ờ lơh gơtùi jat broă rơndap lơh. Bal mờ hơ̆, cồng nha lơh niam wơl hàñ cíñ, tam gơl anih bơcri priă, tơnguh pràn jak tàm pơrlòng bơh càr dê ờ hềt geh bơta tam gơl loh làng; broă lơh tơm wơl priă, ai ù lơh 2, 3 rơndap broă kuơmàng gam lơyài, gơ hòi gơ jà priă bơcri gam uă bơta ờ niam…

Tàm jơnau đơs mut pơrjum, ồng Dương Văn Trang, Ƀí thư Tỉñ ủy, Củ tịc Hội đồng Ñân zân càr Kon Tum sồr ală kwang bàng tơrgùm lơh loh ală bơta ờ niam mờ git nền ală broă lơh bơsong tàm nam 2023.