Nàng lơh jăt jơnau sồr tơrgùm bal gơnoar broă Ƀí thư Ci ƀộ mơkung là Kwang ătbồ thôn, tàm ală nam do, kơnhoàl Sa Thầy, càr Kon Tum neh lơh jăt niam broă lơh săc rwah kwang bàng pal geh tơl bè bồ tơngoh bơsram sră, pràn jak lơh broă, nùs nhơm, rài kis mờ bơngă pin dờn.

Tàm 64 thôn, ƀòn gơ wèt 11 xã, thị trấn bơh kơnhoàl dê tŭ do geh 53 nă Ƀí thư Ci ƀộ mơkung là Kwang ătbồ thôn mờ 11 nă Ƀí thư Ci ƀộ mơkung là Kwang ătbồ Mpồl Lơh broă Mặt trận thôn. Lơh jăt jơnau sồr tơrgùm bal gơnoar broă Ƀí thư Ci ƀộ mơkung là Kwang ătbồ thôn, tus tŭ do, càr Kon Tum neh geh 360 tàm kờp jơh 756 thôn, ƀòn, tiah làng bol ơm kis geh Ƀí thư Ci ƀộ mơkung là Kwang ătbồ thôn, Kwang ătbồ tiah làng bol ơm kis. Tềng đăp măt nàng dipal mờ bơta geh ngan, uă tiah tàm càr Kon Tum gam lơh jăt broă tơrgùm bal gơnoar broă Ƀí thư Ci ƀộ mơkung là Kwang ătbồ thôn mờ Ƀí thư Ci ƀộ mơkung là Kwang ătbồ Mpồl lơh broă Mặt trận thôn.