VOV4.K’ho- Kơnhoàl Krông Păc, càr Dăk Lăk neh rơcang ai dơ̆ bơyai lơh chờ sầu riêng Krông Păc in. Do là tơngume geh kwang đơng lam bồ kơnhoàl yal tàm dơ̆ pơrjum ƀăo ngai 22/8.

Sầu riêng là dùl tàm ală phan cèng wơl cồng nha lơh sa uă ai uă cau lơh broă sa tàm Dăk Lăk in

Dơ̆ bơyai lơh chờ sầu riêng kơnhoàl Krông Păc dơ̆ 1 nam 2022 mờ tơngume “Tơnguh bơta kuơ sầu riêng Krông Păc” geh ngan ngồn mut lơh tàm ngai 01/9 tus mờ jŏ jòng tus ngai 03/9 tàm tiah tờm thị trấn Phước An mờ 2, 3 xã tàm kơnhoàl Krông Păc. Tàm broă bơyai lơh chờ, geh uă broă lơh li la geh lơh, geh: drà ràng tơlik ală phan bơna plai chi, phan lơh gơs bơh suơn sre tiơng pơn rơ bơh kơnhoàl dê mờ 2, 3 tiah rềp bal dê; pơrjum hòi jà bơcri priă mờ bơtàu tơnguh phan lơh gơs bơh suơn sre, broă lơh sa suơn sre kơ̆ kơljap. Kuơmàng, tàm ròt ală broă lơh niam chài- yal tơnggit nhơl chờ, geh tai ală broă lơh: tơn par khiñ khí kầu, zù par, tơdùh đèng gŭ, đì plung...

Cau mblàng K’Duẩn