VOV4.K’ho- Sơn đờm bơh ngai 26 nhai 04 tus jơh ngai 03 nhai 05, kơnòm bơsram ơdŭ 12 gùt lơgar gơtùi mŭt tàm broă atbồ pơrlòng bơh Ƀộ Giáo dục mờ Đào tạo nàng cih măt tơrlòng tus pơrlòng jơh bơsram kấp 3 nam 2022 mờ broă lơh pờ tơlik tàm internet.

Do là nam sơnrờp kơnòm bơsram dan cih măt tus pơrlòng mờ broă lơh tàm internet ala mờ broă lơh tơn mờ pang sră bè ală nam lài. Den tàng, Ƀộ Giáo dục mờ Đào tạo ai tơngai tàm 1 poh nàng kơnòm bơsram bơsram ală broă lơh tàm internet, lài mờ tŭ lơh jăt broă cih măt tus pơrlòng tàm internet mùl màl. Ƀộ kung neh tơrlòng lơh cih măt dan pơrlòng tàm internet tàm 2 hìu bơsram kấp 3 tàm tiah kal ke bơh càr Bắc Giang mờ Hoà Bình, cồng nha ală kơnòm bơsram lơh jăt broă cih măt dan pơrlòng tàm internet ƀuơn ngan. Tơnơ̆ mờ tơngai dan cih măt tơrlòng gời lài, bơh ngai 04 nhai 05 tus 5 jơ mho ngai 13 nhai 05, kơnòm bơsram geh mùl màl dan cih măt tus pơrlòng tàm internet tàm broă atbồ pơrlòng tàm hìu bơsram.

Cau mblàng Ndong Brawl