Rơndăp broă lơh Bơcri priă lơh gơl gùng rơndeh ntoăt mhar Tân Phú- Bảo Lộc mờ Bảo Lộc- Liang Khàng geh bơta jòng pơgăp 66 kơi sồ, tàm hơ̆ 11 kơi sồ lòt gan ù tiah kơnhoàl Tân Phú, càr Đồng Nai mờ 55 kơi sồ gơwèt ù tiah càr Lâm Đồng dê. Bal mờ gơl gùng rơndeh ntoăt mhar Tân Phú- Bảo Lộc, Ủy ƀan Ñân zân càr Lâm Đồng kung gam lơh pràn broă lam lơh gơl gùng rơndeh ntoăt mhar tàm tơrbŏ bal là Bảo Lộc- Liang Khàng geh bơta jòng 74 kơi sồ, gùng ơnàng 4 bơnàng rơndeh lòt, mờ kờp jơh priă bơcri lơh digơlan là 19 rbô 521 tơmàn đong. Ală rơndăp broă lơh gùng rơndeh ntoăt mhar Tân Phú- Bảo Lộc mờ Bảo Lộc- Liang Khàng là gơl gùng rơndeh tờm ngan, kwơmàng ngan, tàm tơrbŏ bal, tàm tơrbŏ gùng lòt rê kă bro phan bơh càr Lâm Đồng dê mờ ƀòn dờng Hồ Chí Minh bal mờ ală càr tàm tiah đah jum dà lơgar. Tŭ ală gơl gùng rơndeh ntoăt mhar geh lơh gơs rơ̆p lơh gơlik geh bơta gơn kơnờm uă ngan dong kờl lơh sa- mpồl bơtiàn bơh càr Lâm Đồng mờ ală càr, ƀòn dờng tàm tiah do dê bơtàu tơnguh.