Jăt jơnau yal, tơngai do, ƀòn dờng Hồ Chí Minh neh tơrgùm tàm tơngume mblàng yal bơh Dơ̆ tơngkah kir sơnrai “Tam lơh pha lin dờng kàl Prang nam 1975- Bơta pràn tam klăc dờng jơh gùt jơi bơtiàn, kơ̆p kờñ ngan ring lơngai, lơngăp lơngai is mờ bồ tơngoh kơ̆p kờñ tơrgùm dùl dà lơgar”.

Đơs tàm dơ̆ lơh broă, Kwang ătbồ Ƀan Tuyên giáo Dà lơgar ồng Nguyễn Trọng Nghĩa sồr, pơn jăt tai gĭt wă loh pơlam gùng sồr lơh bơh Ƀộ Cíñ trị, Ƀan Ƀí thư, Mpồl Sồr lơh Dà lơgar dê mờ Bơto pơlam bơh Ƀan Tuyên giáo Dà lơgar dê bè mblàng yal tơngkah kir sơnrai ală ngai chờ dờng mờ broă kah yau kwơmàng bơh dà lơgar dê tàm 03 nam bơh nam 2023- 2025 pal di pơlam gùng cíñ trị, bồ tơngoh. Ƀòn dờng Hồ Chí Minh pal lơh sir Ală jơnau neh lơh nền tơrgùm bal ală broă lơh tơngkah kir sơnrai tàm nhai 08 do.