Tus tơngai do, kơnhoàl Krông Păch neh sờr ntrờn ù tiah hìu đam mờ jàu geh ai ală anih lơh in 161 lồ ù, ndrờm mờ 76% bă ù neh jàu uă ngan rlau jơh pơndrờm mờ ală kơnhoàl gam wơl geh rơndăp broă lơh do lòt gan.

Mò Ngô Thị Minh Trinh, Phó Củ tịc Ủy ƀan Ñân zân kơnhoàl Krông Păch pà gĭt, nàng kờñ broă jàu măt ù di tơngai, tơngai lài, Ủy ƀan Ñân zân kơnhoàl Krông Păch neh tơrgùm sồr ală cơldŭ lơh broă, mpồl lơh broă, ală xã geh ù tàm tiah rơndăp broă lơh mhar tŭ tơngai sờr ntrờn ù tiah hìu đam, pal lơh di bơta rơndăp tăp sèng, di broă, di bơta dong kờl, broă dong kờl jăt jơnau cih bơh adat boh lam dê, ờ lời gơlik geh jơnau yal yă. Rơndăp broă lơh gùng rơndeh lòt mhar Khánh Hoà- Buôn Ma Thuột lòt gan ù tiah bàr càr Dăk Lăk mờ Khánh Hoà, kờp jơh jòng rlau 117 kơi sồ, tàm hơ̆ gơl gùng lòt gan càr Dăk Lăk jòng mờr 85 kơi sồ, lòt gan ală kơnhoàl: M’Drăk, Krông Bông, Ea Kar, Cư Kuiñ mờ Krông Păch.