VOV4.K’ho- Drim ngai 26/8, anih lơh broă kảñ sát lùp khàu Kwang àng càr Lâm Đồng neh lơh jat kơrnuat kup jàm ing 2 nă cau gơtìp yă lơh broă tàm Anih tờm gròi sền kòp tê jê să càr Lâm Đồng nàng lùp khàu, lơh loh bè broă lơh tìs sa kuề sa kuà phan bơna. 2 nă cau gơtìp kup jàm ing 4 nhai là Phạm Thị Hoa mờ ồng Nguyễn Xuân Đạt, gam lơh broă tàm Anih tờm gròi sền kòp tê jê să càr Lâm Đồng. Tàm tŭ lơh kơnòl broă geh jàu tàm tơngai bơtờp uă kòp Kovid-19 bơh nggùl nam tus lồi nam 2021, 2 nă cau do neh geh broă lơh blơ̆ blac nàng lam lơh sa kuề sa kuà phan bơna mờ khà priă mờr 600 tơlak đông.

Anih lơh broă geh gơnoar lơh jat kơrnuat mut sền anih lơh broă bơh mò Hoa mờ ồng Đạt dê

Mùl màl, jơh bal 2 nă cau do neh tơnguh ờ ngan khà priă phan bơna, siñ phẩm xét nghiệm. Bal mờ hơ̆, lam lơh xét nghiệm pơgồp bal mơya yal tàm sră là mẫu is, tơnơ̆ hơ̆ tac wơl siñ phẩm, kit test mờ ală phan bơna xét nghiệm jơngkah ai Kông ty kổ phần Kông nghệ Việt Á in nàng sa priă. Tŭ do, broă lơh tìs gam pơn jat tai geh Kwang àng càr Lâm Đồng lùp khàu, rề ơnàng lơh loh.

Cau mblàng K’Duẩn