Dơ̆ lòt còp geh uă bơta kuơ, ngan là nàng kờñ tơngkah kir sơnrai 50 nam ngai lơh bơta git gơp cribơyai broă mờ lơgar ndai đah 2 lơgar (1973- 2023). Jat broă rơndap lơh kờp dŭ lài, drim ngai hìng (04/4), tàm Hà Nội, ồng David Hurley rơp ơn guàng bơkàu tàm Anih kah kơlôi ală Cau ling khin cha jak chài chơt màng, ơn guàng bơkàu mờ mut còp Gơlăng ƀồc Bác Hồ.

Pơn jat hơ̆, Củ tịc lơgar ồng Võ Văn Thưởng rơp đơng lam Dơ̆ wă rò ngan ngồn mờ tìp mat cribơyai broă mờ ồng David Hurley tàm Hìu lơh broă Củ tịc lơgar. Kung dùl ngai bal, ồng David Hurley rơp tìp mat cribơyai broă mờ Thủ tướng Cíñ phủ ồng Phạm Minh Chính, Củ tịc Quôk hội ồng Vương Đình Huệ. Jat Đại sứ Australia đơs, dơ̆ lòt còp bơh Kwang ala mat Australia dê rơp pơgồp bơnah sơlơ tơnguh bơta tàm tơrbŏ bal đah 2 lơgar tàm jơh ală kâp, lơh kơ̆ kơljap bơta pin dờn jŏ jòng đah 2 lơgar, là tềl pơn rơ ngan tàm Nam tơngkah kuơmàng do.