Mho ngai 21/10, Kwang àng càr Dăk Lăk bơyai lơh Pơrjum tơn jơh ală broă lơh tơngkah kir sơnrai 60 nam Ngai bơhiàn mpồl Kảñ sát làng bol. Tơngai lài, Kwang àng càr Dăk Lăk neh pơgồp bal mờ Mpồl cih sră đơs crih tam ya càr Dăk Lăk bơyai lơh ai kwang bàng cau ling mờ làng bol in lơh jăt, tus bal ală dơ̆ pơrlòng bơh Ƀộ Kwang àng dê lam lơh.

Tàm hơ̆, geh 4 dơ̆ pơrlòng dờng, là: dơ̆ pơrlòng cih kờñ gĭt 60 nam Ngai bơhiàn Mpồl kảñ sát làng bol; dơ̆ pơrlòng cih bè tơngume rùp să cau ling Kảñ sát làng bol, dơ̆ pơrlòng rùp niam mờ video klip mờ tơngume “Ală cau ling cèng kơnòl broă sền gàr rài kis lơngăp lơngai” mờ dơ̆ pơrlòng Cau ala măt niam chài sền sră tàm Kwang àng làng bol.

Jờng rơ ală cau geh khà jờng ală dơ̆ pơrlòng

Di tàm dơ̆ do, Ủy ƀan Ñân zân càr Dăk Lăk neh pà sră jờng rơ ai 25 mpồl mờ cau dùl nă să geh uă cồng nha tàm broă tă pơgồp jơnau đơs, bơyai lơh dơ̆ pơrlòng bơta kơrnoăt sồr, cuh phàu, võ. Ƀộ Kwang àng pà sră jờng rơ ai ală cau dùl nă să geh uă cồng nha tàm broă bơyai lơh Dơ̆ pơrlòng rùp niam mờ video klip mờ tơngume ală Cau ling cèng kơnòl broă sền gàr rài kis lơngăp lơngai.