VOV4.K’ho- Drim ngai 01/08, Ủy viên Ƀộ Cíñ trị, Ƀí thư Đảng dà lơgar, Kwang atbồ Anih cah rơña Làng bol dờng ngan rlau jơh dà lơgar ồng Nguyễn Hoà Bình neh geh dơ̆ lơh broă mờ Anih cah rơña làng bol càr Kon Tum.

Mpồl lơh broă Anih cah rơña làng bol dờng ngan rlau jơh dà lơgar lơh broă tàm Kon Tum

Ồng Nguyễn Hoà Bình tơngkah, Anih cah rơña Làng bol càr Kon Tum pal geh broă lơh sơlơ tơnguh lam lơh ală dơ̆ cah rơña tơrña bơyai nàng lơh geh bơta ring bal uă rlau tai tàm mpồl bơtiàn, pleh geh ală dơ̆ cah rña ờ duh pal geh. Kơlôi sơnơng gờñ mut ngui lam lơh Anih cah rơña jat broă lơh cah rơña pờ tơlik tơn tàm internet bơh hơ̆ bơtàu tơnguh broă lơh Anih cah rơña điện tử pơgồp bơnah tềm pềr tŭ tơngai, priă jền mờ di pal mờ gùng dà tŭ do dê. Sơlơ tơnguh lơh jat niam broă lơh tơnguh uă bơta niam cah rơña mờ gàr niam gơnoar kwơ bơh làng bol dê. Di dơ̆ lòt lơh broă, Kwang atbồ Anih cah rơña làng bol dờng ngan rlau jơh dà lơgar ồng Nguyễn Hoà Bình bal mờ mpồl lơh broă neh tus chu ñàng, pơdơng bơkào tàm Ƀlàng tơ̆p ƀồc cau ling chơ̆t màng kơnhoàl Kon Rẫy; tus sền phan lời wơl bơh yau tam lơh pha lin Kon Braih mờ Anih cih kah kơlôi ală cau ling chơ̆t màng Kon Braih, kơnhoàl Kon Rẫy dê.

Cau mblàng K’Hạnh