.- Lài mờ tŭ bơyai lơh pơrjum dơ̆ 5, Quôk hội khoa XV, ngai 11/05, Mpồl kwang bàng Quôk hội càr Lâm Đồng tìp mat mờ cau tĕ khà tàm sơnah ƀòn 9, ƀòn dờng Dà Làc, càr Lâm Đồng. Ủy viên Ƀộ Cíñ trị, Ƀí thư Đảng Dà lơgar, Kwang atbồ Ban Nội cíñ Dà lơgar ồng Phan Đình Trạc mờ kwang đơng lam bồ càr Lâm Đồng tus bal.

 Tàm dơ̆ tìp mat mờ cau tĕ khà, cau tĕ khà tơngŏ bơta pin dờn mờ kơ̆p gơn tàm ală broă lơh di ngan tàm broă sơlơ bơtàu tơnguh lơh sa- mpồl bơtiàn bơh càr  mờ dà lơgar dê. Tàm ală tơngume geh đơs, ală cau tĕ khà ndrờm tơngŏ bơta kơ̆p kờñ ală gơl gùng lòt mhar tàm tơrbŏ bal mờ ƀòn dờng Dà Làc bal mờ ală càr tiah đah Jum dà lơgar gờñ geh lam lơh, broă lơh rơndap ù tiah, bơcri priă lơh phan bơna geh sền gròi rlau tai; gờñ geh gùng dà pơlam gàr tơl dà ngui bè jŏ jòng. Ồng Phan Đình Trạc, Ủy viên Ƀộ Cíñ trị, Ƀí thư Đảng dà lơgar, Kwang atbồ Ƀan Nội cíñ Dà lơgar neh cih dờp ală jơnau đơs, jơnau dan bơh cau tĕ khà dê mờ đơs nền rơ̆p jun tus ală anih lơh broa wgeh gơnap gơnoar.