Kwang atbồ Ƀan Nội cíñ dà lơgar ồng Phan Đình Trạc jờng rơ cồng nha lơh broă bal đah Ƀộ Tư pháp 2 lơgar tàm tơngai lài. Đơs nền, Việt Nam sùm sền dờng màng broă lơh kơ̆ kơljap mờ bơtàu tơnguh bơta git gơp đah Việt Nam mờ lơgar Lo, tŭ lơi kung kờñ bal mờ lơgar Lo ngui niam bơta pa bơh git gơp 2 lơgar, lam lơh niam jơnau git wă bal kâp dờng, ală  Jơnau yal bơr bal mờ sră nggal lơh broă bal neh kĭ đah 2 gah, tàm hơ̆ geh gah sền gàr adat boh lam, kơrnuat boh lam. Kwang atbồ Ƀan Nội cíñ dà lơgar ồng Phan Đình Trạc sồr 2 gah sơlơ tam pà cồng nha kơlôi sơnơng tàm sră pơ àr mờ tơn jơh bơta geh ngan nàng bơt bơtàu dà lơgar gơnoar adat boh lam xã hội củ nghĩa, lơh niam wơl sền gàr adat boh lam, rơcang sơndră sa kuề sa kuà, sền gròi gơnăp gơnoar, rơcang sơndră bơta kuơ mpồl tàm lơh adat boh lam, drơng ai broă lơh bơh 2 Đảng, 2 dà lơgar dê in.