VOV4.K’ho - Drim òr (18/04), Mpồl kwang bàng lơh broă bơh Ƀan Tuyên giáo Dà lơgar lơh broă mờ Ƀan Thường vụ Tỉñ ủy Bình Định bè lơh sa mpồl bơtiàn mờ broă bơ̆t bơtàu Đảng, bè cíñ trị, bồ tơngoh kơlôi sơnơng, nùs nhơm bal mờ broă Tuyên giáo nam 2021 mờ Quý I nam 2022.

                 Kwang atbồ Ƀan Tuyên giáo Dà lơgar lơh broă mờ Ƀan Thường vụ Tỉñ ủy Bình Định

Ƀí thư Đảng dà lơgar, Kwang atbồ Ƀan Tuyên giáo Dà lơgar ồng Nguyễn Trọng Nghĩa đơng lam dơ̆ lơh broă. Đơs tàm dơ̆ lơh broă, ồng Nguyễn Trọng Nghĩa đơs niam ală cồng nha mờ Đảng ƀộ càr Bình Định neh lơh geh tàm tơngai do, do là tơngu me tờm, bơta pràn nàng pơn jăt tai chồl pràn, ai càr Bình Định tơnguh bơtàu pràn kơl dang rơlao tàm tơngai tus. Ồng Nguyễn Trọng Nghĩa sồr tơnkah, nàng lơh geh cồng nha ală bơta geh, bơta pràn bơh càr Bình Định dê, den Tỉñ ủy, Hội đồng Ñân zân, UɃÑZ mờ ală gah lơh broă geh gơnoar, ală anih lơh broă, mpồl lơh broă tàm càr pal mùl màl rơcang lài, lơh jăt di pal mờ Nghị quyết Pơrjum dờng dơ̆ XIII bơh Đảng, ală sră nggal đơng lam bơh Dà lơgar pơgồp bal mờ nghị quyết pơrjum dờng đảng ƀộ ală kấp nàng lơh jăt.

Cau mblàng Ndong Brawl