Prao nhai bồ nam do, Mpồl ling Sền gàr tiah nhàr lơgar càr Dăk Lăk neh rơcăng gĭt nền broă tàm dơlam mờ bơdìh tiah nhàr lơgar; sùm lòt sền, sồr ngan ală mpồl ling tàm broă lơh crăp rơcăng tam lơh mờ lam lơh dồ ròt ală broă lơh ătbồ, sền gàr tiah nhàr lơgar mờ ƀòn lơgar.

Đơs tàm dơ̆ lơh broă, ồng Nguyễn Trọng Nghĩa sồr, tàm tơngai tus, Mpồl ling Sền gàr tiah nhàr lơgar càr Dăk Lăk pơn jăt tai lơh kơ̆ kơl jăp ală anih lơh broă cíñ trị kơnă hơđơm, sùm lơh jăt geh cồng nha ală broă lơh tơrlòng lài dong làng bol bơtàu tơngguh lơh sa- mpồl bơtiàn, tơn jơh jơgloh tơrmù rƀah; bơ̆t bơtàu broă sền gàr tiah nhàr lơgar tàm jơh gùt làng bol pràn kơldang kơ̆ kơl jăp gơ jăt bal mờ nùs nhơm crăp rơcăng jơh gùt làng bol. Sùm lơh niam broă lơh lơh broă mờ lơgar ndai tiah nhàr lơgar, pơgồp bơnah bơ̆t bơtàu tiah nhàr lơgar ring lơngai, lơh bơyô bal, lơh broă bal mờ bơtàu tơngguh.