Đơs tàm dơ̆ lơh broă, Ƀí thư Đảng Dà lơgar, Kwang atbồ Ƀan Tuyên giáo Dà lơgar ồng Nguyễn Trọng Nghĩa đơs tờm; Tàm tơngai lơh broă kăc màng, gah niam chài sùm geh Đảng he sền gròi ngan. Kwơ màng, bơh bồ tơngai lơh broă mờ Pơrjum dờng dơ̆ 13 neh ai tus tŭ do, gah niam chài sơlơ geh sền gròi.

Ală jơnau đơs tàm dơ̆ lơh broă geh sền wơl cồng nha nggùl tơngai lơh jăt Nghị quyết Pơrjum dờng dơ̆ XIII bơh Đảng dê. Tàm hơ̆ bơta tờm là broă bơta niam chài kòn bơnus jăt Pơrjum dờng dơ̆ XIII geh ai mờ ală nghị quyết bơh Dà lơgar dê. Tàm tơngai tus, Ƀộ Văn hoá – Thể thao mờ Zu lịc pơn jăt tai lơh jăt broă kơlôi sơnơng nền nòn tơnguh uă jơnau git wă tơl, nền nòn rơlao bè bơta niam chài jăt Nghị quyết Pơrjum dờng dơ̆ 13 dê, bơtàu tơnguh bơta niam chài jăt jơnau Đảng neh geh ai, sùm wèt tus bơta tơl làm, ndrờm bal, tàm hơ̆ bơta tờm kòn bơnus geh gơnoar tờm, mpồl cau chài đơs crih tamya geh gơnoar kwơ màng.