VOV4.K’ho- Wèt tus tơngkah kir sơnrai ngai cau lơh sơnơm Việt Nam 27/02, drim ngai 21/02, ồng Nguyễn Trọng Nghĩa, Ƀí thư Đảng dà lơgar, Kwang atbồ Ƀan Tuyên giáo dà lơgar neh lòt còp, nting bơr gờm chờ ală y bák sĩ hìu sơnơm Ling klàng dà lơgar 108, Hìu sơnơm kòp klờm soh dà lơgar mờ còp Giáo sư, Tiến sĩ Vũ Văn Đính, cau tờm bơceh gah Lơh pràn wơl să jan kấp kứu Việt Nam.

Cih dờp tă pơgồp bơh mpồl cau lơh sơnơm Hìu sơnơm Ling klàng dà lơgar 108, Hìu sơnơm kòp klờm soh dà lơgar dê kung bè gah lơh sơnơm gùt lơgar neh mờ gam là mpồl lam lài rơcang sơndră kòp, ồng Nguyễn Trọng Nghĩa đơs nền, do là bơta tă pơgồp dờng ngan ai jơi bơtiàn in. Uă y, bák sĩ neh kong phi să tờm tàm gah tam dră mờ cau sò tơm ờ geh să jan là kòp Kovid-19. Pơyua jơnau ting bơr gờm chờ tus ală y, bák sĩ di ngai Cau lơh sơnơm Việt Nam, ồng Nguyễn Trọng Nghĩa sồr jơh gùt gah lơh sơnơm pơn jat tai lơh jat niam Nghị quyết Đảng dà lơgar dơ̆ 6 khóa 12 bè broă pơn jat tai tam gơl pa mpồl rơndap broă, atbồ, tơnguh bơta niam mờ cồng nha lơh broă bơh ală mpồl lơh broă dà lơgar dê.

Cau mblàng K’Duẩn