Kwang atbồ Ƀan Tuyên giáo Dà lơgar ồng Nguyễn Trọng Nghĩa đơng lam dơ̆ tìp măt. Tàm do, ală kwang bàng neh iăt jơnau yal bè ờ uă cồng nha geh pơnrơ ngan bè broă yal tơngit, mblàng yal tàm sră ƀăo, hìu lĭp sră, văn họk nghệ thuật lơh jăt Nghị quyết Pơrjum dờng dơ̆ XIII bơh Đảng dê; broă rơcang ală broă lơh geh pơnrơ, mùl màl wèt tus Tơnkah 70 nam Tam lơh pha lin Điện Biên Phủ.

Kwang đơng lam ờ uă anih lơh broă sră ƀăo, hìu lĭp sră, văn họk nghệ thuật pơgồp jơnau đơs bơ̆t bơtàu, bơtàu tơnguh gah sră ƀăo, hìu lĭp sră, văn họk nghệ thuật di pal mờ jơnau kờñ tàm bơta pa. Kwang atbồ Ƀan Tuyên giáo Dà lơgar ồng Nguyễn Trọng Nghĩa sồr tàm tơngai tus, kấp ủy, mpồl đảng, kwang đơng lam anih lơh broă sồr, atbồ, anih lơh broă atbồ, anih lơh broă sră ƀăo, hìu lĭp sră, ală mpồl văn họk nghệ thuật tiah tàm gùl kơh bơnơm đah tô Dà lơgar tus bal lơh ală Nghị quyết, Jơnau đơs pơn dŭt bơh Đảng, Quốk hội mờ ală broă lơh, broă rơndăp lơh bơh Cíñ phủ dê.