Tàm dơ̆ wă ồng Nguyễn Trọng Nghĩa mờ Kwang ătbồ Anih lơh broă ala mat lơgar Mỹ tàm lơgar Việt Nam ring bal nam 2025 là nam geh gơtha kwơ màng uă ngan, lơh tềl tơngkah kir sơnrai 50 nam Việt Nam tơrgùm dùl dà lơgar, 30 nam Việt Nam mờ Mỹ lơh niam wơl bơta gĭt gơ̆p, là dơ̆ nàng 2 lơgar in sền bal cih dờp ală broă lơh jŏ jòng, bơh bơta jrô kah yau tus tơngai pa tŭ do mờ wèt tus rài tơnơ̆ do.

Bàr gah đơs nền bơta gĭt  gơ̆p niam bơnĕ đah 2 lơgar là geh bơh bơta kơ̆p kờñ di pal ngan bơh làng bol 2 lơgar dê, là bơta lơh ngan ngồn bơta wèt sền, jơnau kờñ mờ pơn đơl pràn lơh ngan bơh ală kwang đơng lam bồ bơh jơh bal 2 lơgar dê, tàm jơnau kah yau kung bè tơngai pa tŭ do. Bơta gĭt gơ̆p Việt Nam mờ Mỹ rơ̆p là dùl bơta gơn kơnờm ai bơta pas gơs mờ lơngăp lơngai tàm dùl tàm ală tiah kwơ màng ngan rlau jơh dunia dê, tài ring lơngai, kơ̆ kơl jăp, lơh broă bal mờ bơtàu tơnguh kơ̆ kơl jăp.