VOV4.K’ho - Drim òr (18/08), tàm xã tiah ngài Ea Sol, kơnhoàl Ea H’ Leo, càr Dăk Lăk neh bơyai lơh “Ngai chờ gùt làng bol sền gàr bơta lơngăp lơngai Dà lơgar nam 2022”.

Ồng Nguyễn Trọng Nghĩa, Kwang atbồ Ƀan Tuyên giáo dà lơgar pà phan ală hìu nhă geh sră dong kờl bơh dà lơgar tàm xã Ea Sol

Tus bal mờ geh jơnau đơs tàm dơ̆ pơrjum, ồng Nguyễn Trọng Nghĩa, Ƀí thư Đảng dà lơgar, Kwang atbồ Ƀan Tuyên giáo dà lơgar neh dờp mờ pơn jờng ală cồng nha mờ Đảng ƀộ, gơnoar atbồ bal mờ làng bol xã Ea Sol đơs is kung bè càr Dăk Lăk đơs bal neh lơh geh tàm tơngai do. Mờ sồr kấp ủy, gơnoar atbồ ală kấp tàm càr Dăk Lăk pơn jăt tai lơh jăt niam rơlao tai, geh cồng nha ală sră nggal đơng lam bơh Đảng mờ Dà lơgar mờ jơnau bơto sồr bơh Ƀộ Kwang àng tàm broă “Gùt làng bol sền gàr bơta lơngăp lơngai dà lơgar”. Bơdìh hơ̆ tai, he pal sùm tơnguh lơh mờ tơnguh gơnoar bơh ală cau kra ƀòn, cau geh bơngă pin dờn tàm làng bol ală kòn cau, mờ làng bol jăt yàng, ală mpồl lơh broă tờm bơh ală mpồl lơh broă cíñ trị mờ gùt làng bol tus bal broă “Gùt làng bol sền gàr bơta lơngăp lơngai Dà lơgar”.

Cau mblàng Ndong Brawl