VOV4.K’ho - Pơn jăt tai broă lơh tàm ală càr Tây Nguyên, ngai òr (21/01), Ƀí thư Đảng dà lơgar, Kwang atbồ Ƀan Zân vận dà lơgar mò Bùi Thị Minh Hoài bal mờ mpồl kwang bàng lơh broă neh tus bal broă lơh “Nam pa tiah nhàr dà lơgar” mờ còp, pà phan cau Mè Việt Nam khin cha jăk chài, hìu nhă cau geh sră dong kờl bơh dà lơgar, cau rơƀah, hìu nhă gơtìp kal ke, công nhân, cau lơh broă tàm càr Dăk Lăk di satềp Ñâm Zần nam 2022.

                           Pà rơndeh coh kơnờm bơsram geh rài kis rơƀah, bơsram jăk in

Kwang atbồ Ƀan Zân vận dà lơgar mò Bùi Thị Minh Hoài tus bal klơm mbar mờ cau ling sền gàr tiah nhàr dà lơgar

Mpồl kwang bàng neh tus bal broă lơh “Nam pa tiah nhàr dà lơgar nam 2022” geh đoàn ơruh pơnu Dà lơgar bơyai lơh tàm kơnhoàl tiah nhàr dà lơgar Buôn Đôn mờ jào rơlao 200 pò phan, 500 tơlăk đong, 20 nơm rơndeh coh, 20 khà priă bơsram ai kơnòm bơsram rơƀah bơsram jăk bal mờ ală hìu nhă geh sră dong kờl bơh dà lơgar, cau rơƀah, hìu làng bol kòn cau geh rài kis gơtìp kal ke tàm kơnhoàl Buôn Đôn. Dùl ngai bal, mpồl kwang bàng lơh broă neh còp să, lam sồr mờ pà phan satềp ai ală công nhân rơƀah, công nhân gơtìp kal ke tài bơh kòp Kovid-19 tàm càr Dăk Lăk in.

Cau mblàng Ndong Brawl