VOV4.K’ho - Ngai òr (20/01), Mpồl kwang bàng lơh broă bơh Dà lơgar geh mò Bùi Thị Minh Hoài, Ƀí thư Đảng dà lơgar, Kwang atbồ Ƀan Zân vận Dà lơgar lam bồ neh lòt còp mờ chờ gờm satềp, pà phan ală hìu nhă geh sră dong kờl bơh dà lơgar, cau rơƀah, công nhân lơh broă gơtìp kal ke di satềp Ñâm Zần nam 2022 tàm càr Dăk Nông.

 Mò Bùi Thị Minh Hoài, Kwang atbồ Ƀan Zân vận Dà lơgar pà phan hìu rơƀah, kông nhân lơh broă gơtìp kal ke in

ồng Y Thanh Hà Niê Kdăm, Củ tịc Hội đồng Zân tộk Quốk hội jào pà 500 tơlăk đong bơh priă dong kờl Ngân hàng BIDV ai ală cau gơtìp kal ke tàm càr Dăk Nông in

Mpồl kwang bàng lơh broă do neh jào pà 350 pò phan bơh Ủy ƀan Mặt trận dà lơgar Việt Nam pà ală hìu nhă geh sră dong kờl bơh dà lơgar, hìu gơtìp kal ke, hìu rơƀah; 200 pò phan bơh Tổng Liên đoàn Lao động Việt Nam ai 200 nă công nhân lơh broă gơtìp kal ke tàm bơh kòp Kovid-19. Kung tàm dơ̆ tus còp do, ồng Y Thanh Hà Niê Kdăm, Củ tịc Hội đồng Zân tộk Quốk hội jào pà 150 pò phan ai hìu rơƀah, hìu nhă geh sră dong kờl bơh dà lơgar, cau geh bơngă pin dờn là làng bol kòn cau, hìu rơƀah, hìu gơtìp kal ke mờ 500 tơlăk đong bơh khà priă dong kờl Ngân hàng TMCP Bơcri priă mờ Tơnguh bơtàu Việt Nam ai ală hìu nhă geh sră dong kờl bơh dà lơgar, hìu rơƀah, công nhân cau lơh broă gơtìp kal ke tàm càr in.

Cau mblàng Ndong Brawl