Tàm dơ̆ lơh broă, ồng Nguyễn Đình Trung, Kwang geh jơng tàm Đảng dà lơgar, Ƀí thư Tỉñ ủy càr Dăk Lăk đơs niam broă lơh bal bơh Anih jơnau đơs Việt Nam (VOV) tàm broă yal tơngit, mblàng jơnau bè càr dê tàm tơngai do. Broă VOV geh uă jơnau đơs mờ dà kòn cau tàm càr Dăk Lăk đơs is mờ Tây Nguyên đơs bal là bơta kwơ màng nàng tơnguh uă cồng nha yal tơngit mblàng jơnau gơwèt mờ làng bol kis tàm ală ƀòn in.

Ồng Đỗ Tiến Sỹ đơs tờm, Anih jơnau đơs Việt Nam neh mờ geh sùm lơh broă bal mờ càr Dăk Lăk tàm broă lơh pràn broă yal tơngit, mblàng jơnau. Ală broă lơh, ală bơta gơlik geh tàm càr sùm geh Anih yal tơngit mlblàng jơnau di tŭ tàm anih pờ tơlik jơnau đơs mờ ală gah yal mblàng uă bơta phan ndai tàm Anih jơnau đơs Việt Nam dê, mờ jơnau git wă bal mờ kơnòl uă, ai gùng dà broă yal tơngit loh làng, ai gŏ bơta geh uă mờ gơdờp mpồl bơtiàn niam bơnĕ.