VOV4.K’ho - “Tàm nam 2021, bŭ lah gơtìp gơrềng uă ngan tài bơh kòp Kovid-19, Anih jơnau đơs Việt Nam neh ai tơngŏ bơngă là anih yal tơngit tờm, lơh gơs niam kơnòl geh jào, pơgồp bal dờng màng ai broă yal tơngit mờ mblàng jơnau”.

                             Ƀộ trưởng Ƀộ Thông tin mờ truyền thông geh jơnau đơs tàm pơrjum

Hơ̆ là jơnau đơs bơh Ƀộ trưởng Ƀộ Thông tin mờ truyền thông, Phó Kwang atbồ Ƀan Tuyên giáo Dà lơgar ồng Nguyễn Mạnh Hùng tàm dơ̆ tơn jơh broă lơh nam 2021 mờ lơh jăt kơnòl nam 2022 bơh Anih jơnau đơs Việt Nam dê. Tàm nam pa do, Anih jơnau đơs Việt Nam neh sùm lơh jăt mờ gùng dà, broă đơng lam bơh Cíñ phủ, Thủ tướng Cíñ phủ, Ƀan Tuyên giáo Dà lơgar, Ƀộ Thông tin mờ Truyền thông, tơrgùm lam sồr uă broă, broă lơh dờng dà lơgar dê tàm uă bơta, uă broă lơh, uă bơta phan, uă jơnau đơs. Kwơ màng, tàm bơta kòp Kovid-19 gơtờp uă tàm nam 2021, Anih jơnau đơs Việt Nam neh bơyai lơh ală dơ̆ lam sồr uă bè broă rơcang sơndră mờ kòp gơtờp. Nam 2022, Ủy viên Đảng Dà lơgar, Kwang atbồ dờng Anih jơnau đơs Việt Nam geh tơrgùm uă ngan ai broă bơ̆t bơtàu wơl mờ tơrgùm tam gơl sồ nàng lơh jăt kơnòl cíñ trị geh Đảng mờ Dà lơgar jào.

Nam 2022, Anih jơnau đơs Việt Nam geh bơyai lơh pơrlòng jơnau đơs gùt lơgar dơ̆ 15 tàm ƀòn dờng Hồ Chí Minh mờ broă lơh Cíñ luận-Nghệ thuật tơnkah 92 nam ngai crơng gơs Đảng Kộng sản Việt Nam.

Cau mblàng Ndong Brawl