Neh rơlao 30 nam bơ̆t bơtàu mờ bơtàu tơnguh, tus tŭ do mpồl cau lơh sa kă bro kơnòm să neh geh lơh tàm 63 càr, ƀòn dờng; geh 15 mpồl lơh broă mờ mờr 19 rơbô nă cau. Ală mpồl lơh sa kă bro tàm Mpồl bơh Mpồl dê gam lơh geh pah nam rơlao 40 tơmàn dolar Mỹ mờ ai broă lơh rơlao 5 tơlăk nă cau lơh broă in.

Tàm broă bơtàu tơnguh Mpồl neh bơyai lơh uă broă, lơh broă geh kwơ dong kờl cau lơh sa kă bro kơnòm să mŭt lơh broă, hòi jà kă bro, bơcri priă, lơh broă bal mờ dunia. Đơs tàm dơ̆ tìp măt, Kwang atbồ ing Củ tịc lơgar mò Võ Thị Ánh Xuân đơs nền mpồl cau lơh sa kă bro là dùl tàm ală mpồl tờm pơgồp bal lơh pràn broă bơ̆t bơtàu pa dà lơgar mờ tơrgùm bal mờ dunia; sồr Mpồl cau lơh sa kă bro kơnòm să Việt Nam pal ngui ală cồng nha, broă lơh neh geh tàm tơngai do, pơn jăt tai tam gơl tơngu me, broă lơh nàng di jăt mờ bơta tam gơl mpồl lơh sa kă bro dê, di pal mờ jơnau kờñ dà lơgar dê, mờ pal lơh di mờ jơnau kờñ bơh mpồl lơh broă dê.