VOV4.K’ho- Drim ngai 25/02, jat jơ tiah do, dơ̆ wă rò ngan ngồn Củ tịc lơgar ồng Nguyễn Xuân Phúc mờ pơ ùr bal mờ mpồl kwang bàng dờng màng Việt Nam neh geh lơh yŭ rơyùm tàm Gơlăng Kwang atbồ lơgar Singapore tềng đap bơta đơng lam bơh Kwang atbồ lơgar Singapore mò Halimah Yacob mờ bơklau dê.

Củ tịc lơgar ồng Nguyễn Xuân Phúc mờ Kwang atbồ lơgar Singapore mò Halimah Yacob

Tơnơ̆ dơ̆ wă rò, Củ tịc lơgar ồng Nguyễn Xuân Phúc neh tìp mat cribơyai broă mờ Kwang atbồ lơgar Singapore mò Halimah Yacob. Jat broă lơh tơnơ̆ dơ̆ tìp mat cribơyai broă mờ Kwang atbồ lơgar Singapore mò Halimah Yacob, Củ tịc lơgar ồng Nguyễn Xuân phúc geh lam lơh tìp mat cribơyai broă mờ Thủ tướng Singapore ồng Lý Hiển Long mờ sền dơ̆ tàm pơ gơl 2, 3 sră nggal lơh broă bal đah ală ƀộ, gah broă lơh 2 lơgar. Dơ̆ lòt còp Singapore dơ̆ do bơh Củ tịc lơgar ồng Nguyễn Xuân Phúc dê geh pơgồp bơnah gàr kơ̆ bơta pin dờn cíñ trị, lơh niam rlau tai git gơp lơh broă bal jŏ jòng uă gah, lam git gơp 2 lơgar Việt Nam- Singapore bơtaù tơnguh ngan ngồn mờ geh cồng nha rlau.

Cau mblàng K’Duẩn