Tàm pơrjum ồng Dương Văn Trang - Ƀí thư Tỉñ uỷ càr Kon Tum neh jàu Jơnau lơh nền bơh Ƀan Ƀí thư Đảng Dà lơgar ring bal ai ồng Nguyễn Đức Tuy in at gơnoar broă Phó Ƀí thư Tỉñ ủy càr Kon Tum tơngai lơh broă bơh nam 2020-2025.  Ồng Nguyễn Đức Tuy, deh ngai 05/06/1973, ƀòn tờm xã Hoài Đức, kơnhoàl Hoài Nhơn, càr Bình Định; Bơsram broă lơh ờs mờng: Đại học Kinh tế; Sră cơng tàng bơsram: Tiến sỹ Kinh tế; Cribơyai jơnau tàm sră pơ àr: Kâp dờng .

Đơs dờp kơnòl broă, ồng Nguyễn Đức Tuy, Phó Ƀí thư Tỉñ uỷ càr Kon Tum tơngŏ bơta ưn ngài uă ngan Ƀan Ƀí thư Đảng Dà lơgar, Tỉñ ủy càr Kon Tum, kwang đơng lam bồ càr ală rài neh sền gròi dong kờl, pin dờn jàu kơnòl broă kwơ màng. Do kung là bơta hờn chờ bơh să tờm dê, mơkung là kơnòl broă, kơnòl dờng ngan; rơ̆p  ai jơh bơta pràn pơnđơl pràn lơh ngan, pơgồp dà kơl hề bơt bơtàu càr Kon Tum ngai sơlơ bơtàu tơnguh.