VOV4.K’ho- Mho ngai 06/10, tàm Hà Nội, Mpồl kwang bàng ala măt Đảng he bơh ồng Lê Hoài Trung, Ủy viên Đảng Dà lơgar, Kwang ătbồ Mpồl lơh broă mờ lơgar ndai dà lơgar lam bồ neh pơrjum tơn bơh tàm internet Pơrjum ală đảng dunia bơh Đảng lơgar Nga tơrgùm dùl bơyai lơh tàm Sakhalinsk.

Anih bơyai lơh pơrjum tàm anih pờ tàm tơrbŏ bal tàm Hà Nội

Đơs tàm Pơrjum, ồng Lê Hoài Trung yal bàr pe tơngume tờm tàm gùng dà, broă lơh bơtàu tơnguh kơ̆ kơl jăp bơh lơgar Việt Nam dê; đơs nền gùng dà broă lơh bơtàu tơnguh kơ̆ kơl jăp bơh lơgar Việt Nam dê đơs wơl ală gùng dà bal niam ngan bơh dunia dê mơkung đòm jăt, bơ̆t bơtàu dipal mờ bơta mùl màl bơh Việt Nam dê bal mờ jơnau kờñ sùm sùm là lơh ngan bơ̆t bơtàu mpồl bơtiàn xã hội củ nghĩa “Làng bol pas sơm, dà lơgar pràn kơldang, làng bol lơh tờm, ring bal, jak chài bơtàu tơnguh”; cribơyai bàr pe gùng dà broă lơh nàng kờñ sơlơ lơh broă bal mờ dunia tài jơnau kờñ bơtàu tơnguh kơ̆ kơl jăp, lơngai lơngai tiah ơm kis mờ lơh broă bal đah ală đảng cíñ trị.

Cau cih VOV Tây Nguyên- Cau mblàng Lơ Mu K’Yến